Site icon Telegrafi

Pamje rrëqethëse nga Serbia, demonstruesit bllokojnë autostradat e urat – përdoren shufrat e grushtat

Burim Tmava

Bllokimi njëorësh i komunikacionit në Serbi, thirrja nga disa organizata ekologjike dhe lëvizje të ndryshme, si shenjë pakënaqësie për shkak të miratimit të dy ligjeve që po konsiderohen se rrezikojnë të drejtat e njeriut dhe ambientin ku jetojnë, është përcjellë nëpër qytetet e Serbisë më incidente të shumta.

E më së rëndi ishte situata në Shapc, e përleshje u regjistruan mes policisë, demonstruesve si dhe mbështetësve të partisë të partisë në pushtet SNS në Beograd dhe Novi Sad, transmeton Telegrafi.

Në Novi Sad dhe disa qytete tjera, shumë demonstrues janë marrë në pyetje. E në pamjet e publikuara në rrjetet sociale shihet përfaqësuesi i organizatës “Mos e ngufatni Beogradin”, Dobrica Veselinoviqit, ku janë regjistruar incidente të rënda gjatë bllokimit të komunikacionit.

Demonstruesit bllokuan autostradat që lidhin qytetet e mëdha të Serbisë, por hiq më lehtë nuk kaluan as urat e tunelet që ishin të pakalueshme nga numri i madh i demonstruesve.

Më poshtë ju sjellim pamje nga situata e tensionuar që ka mbizotëruar pothuajse në të gjitha qytetet e Serbisë, ku nuk u kursye asgjë – nga shufrat, grushtat, shqelmat e deri te shkulja e flokëve e tërheqja zvarrë. /Telegrafi/

Exit mobile version