Trajneri aktual i Manchester United, Ole Gunnar Solskjaer kishte impresionuar lojtarë si, Cristiano Ronaldo, Wayne Rooney dhe Rio Ferdinand kur ishte pjesë e stafit të Sir Alex Fergusonit në vitin 2008.
Trajneri i Djajve të Kuq, kishte kaluar si lojtar 11 vite duke luajtur në Old Trafford, duke u pensionuar nga futbollit në vitin 2008.
Menjëherë pas pensionimit, Ferguson e kishte lejuar atë që të jetë pjesë e stafit të tij teknik për t’i menaxhuar lojtarët e rinj.
Old report from norwegian TV2:
Ronaldo and Rio Ferdinand on OGS as a coach when he was in Sir Alex’s coaching staff for a brief period pic.twitter.com/ElhCpu2V3i
— . (@PogBaller_) December 18, 2018
Dhe pas këtij emërimi, televizioni norvegjez TV2 ishte interesuar se si po i shkon profesioni i ri Solskjaerit.
Cristiano Ronaldo në atë kohë ishte një yll në rritje te Manchester United dhe kishte folur më pas për Solskjaeri.
“Ai është shumë i mirë. E shikoj Olen si një person mjaftë të pjekur dhe inteligjent, jo tani si trajner. Ai është një djalë shumë i mrekullueshëm, kemi raporte të mira”, ”ishte thënë portugezi.
Në anën tjetër, Rooney kishte fjalë të mëdha për norvegjezin, duke thënë se një ditë do të bëhet trajner i madh.
“Jam i sigurt se një ditë do të bëhet trajner i mrekullueshëm, një trajner i madh”, kishte thënë ish-reprezentuesi i Anglisë. /Telegrafi/