Pamje nga festa e Bayern Munichut pas triumfit në Ligën e Kampionëve

Bayern Munich ka arritur që për herë të gjashtë në histori të tyre të fitojë Ligën e Kampionëve.

Bavarezët arritën që të mposhtin Paris Saint-Germainin me rezultat 1-0, për të mbyllur kështu edicionin me shumë suksese.

Golin e vetëm në këtë takim e shënoi Kingsley Coman me kokë, pas një asistimi brilant nga Joshua Kimmich.

Bayern Munich para pak çastesh mori në duar trofeun më të çmuar në Evropë për klube, e që ky është një tjetër suksese i madh për ta.

Klubi gjerman e mbylli edicionin 2019/20, pasi fituan më parë edhe Bundesligën dhe DFB Pokalin.

Fitorja e tyre më e madhe gjatë këtij rrugëtimi erdhi ndaj Barcelonës në çerekfinale, duke fituar me rezultat të thellë 8-2.

Më poshtë mund të shikoni pamjet nga festa e skuadrës gjermane me trofeun e Ligës së Kampionëve. /Telegrafi/