Ushtria pakistaneze ka konfirmuar sot se me sukses ka kryer testimin e raketës balistike tokë-tokë me rreze të shkurtër – e aftë të godet caqet në tokë dhe det me precizitet të madh nga një distancë prej 490 kilometra.
Thuhet se raketa “Babur” me sukses është lansuar, e presidenti pakistanez Arif Alvi, kryeministri Imran Khan e udhëheqësit ushtarakë të këtij vendi, kanë përgëzuar shkencëtarët dhe inxhinierët për lansimin e suksesshëm, transmeton Telegrafi.
Programi bërthamor dhe raketor i Pakistanit ka për qëllim t’i kundërpërgjigjet kërcënimeve nga fqinji i saj – India, e të dy këto vende posedojnë armë bërthamore dhe kanë qenë dy herë në luftë për shkak të rajonit të Kashmirit – mbi të cilën pretendojnë se kanë autoritet të dy vendet. /Telegrafi/
