Pakistani kryen sulme ajrore në Iran, të paktën shtatë persona të vdekur

Të paktën shtatë persona janë vrarë pasi Pakistani nisi sulmet ajrore në territorin iranian në orët e para të së enjtes.

Pakistani tha se sulmet kishin goditur ato që ai i quajti “strehimet e terroristëve” në provincën kufitare Sistan-o-Balochistan, transmeton Telegrafi.

Lexo po ashtu Dje Sirinë dhe Irakun, sot iranianët kryen sulm me dronë dhe raketa mbi Pakistanin

Ministria e Jashtme e Pakistanit e përshkroi operacionin si “një seri sulmesh ushtarake me saktësi shumë të koordinuara dhe të shënjestruara në mënyrë specifike”.

“Aksioni i mëngjesit të sotëm u ndërmor në dritën e inteligjencës së besueshme të aktiviteteve të afërta terroriste në shkallë të gjerë”.

Mediat iraniane raportuan se tre gra dhe katër fëmijë u vranë nga këto sulme.

Sulmet e Pakistanit në Iran vijnë si kundërpërgjigje ndaj sulmeve që Irani bëri në Pakistan ku mbetën të vrarë dy fëmijë.

Të dyja vendet kanë akuzuar prej kohësh njëri-tjetrin se strehojnë grupe militante që kryejnë sulme nga rajonet përgjatë kufirit të tyre të përbashkët. /Telegrafi/