Kandidati për kryetar të Prishtinës nga radhët e Aleancës Kosova e Re, Selim Pacolli, ka theksuar se në mandatin e ardhshëm katërvjeçar kryeqytetit i duhet një menaxher i mirë dhe jo një politikan.
Ai në një intervistë për Telegrafin, me gazetarin Muhamet Hajrullahu, ka folur për planet e tij gjatë qeverisjes të tij në rast se do të udhëheq me komunën.
Sipas tij, ai do të arrijë të menaxhoj me problemet të cilat i ka qyteti i Prishtinës.
“Kryefjalia e debateve për zgjedhjet lokale ka qenë kaosi urban. Sot të gjitha ata që premtojnë se do ta rregullojnë kaosin urban, duhet t’iu sigurojnë të gjitha makinave parkingje…”, ka shtuar Pacolli.
Sipas tij, janë 28 mijë e 662 makinë të qeveritarëve ose të nëpunësve që hynë çdo ditë në Prishtinë.
“Zgjidhja do të jetë zhvendosja e objekteve qeveritare në një parcelë të ndarë në vitin 2004 për këtë gjë. Mund të themi se 30 mijë makina më pak do t’i kishim në qytet”, ka theksuar Pacolli, duke shtuar se kjo do të ishte një zgjidhje adekuate për kaosin urban në Prishtinë.
Ai ka shpalosur edhe planin e tij për ndërtimin e 6 mijë parkingjeve, nga të cilat do të inkasoheshin 7.5 milionë euro.
Pacolli mes tjerash ka folur edhe për planet e tij për zhvillimin ekonomik, arsimin, shëndetësinë në Prishtinë. /Telegrafi/
