Jose Mourinho është duke u përshtatur mirë me frymën e Romës, skuadër të cilën do ta drejtojë nga sezoni i ardhshëm.
Giallorossët i kanë nisur stërvitjet parasezonale që në javën e kaluar dhe trajneri dëshiron që futbollistët të angazhohen intensivisht në seancat stërvitore.
Ai e ka instaluar edhe një ekran të madh në fushën stërvitore të Trigorias, në mënyrë që t’ua tregojë menjëherë gabimet lojtarëve nga xhirimet e dronit.
Ndërkaq, për motivimin e tyre, lojtarët kanë mbajtur peceta gjatë darkës, ashtu siç bëjnë ultrasit në Curva Sud dhe e kanë kënduar himnin e klubit: “Roma, Roma, Roma”.
Në ndërkohë, Mourinho i ka xhiruar dhe e ka postuar videon në Instagram duke theksuar se ka mbetur pa fjalë. /Telegrafi/
Cena di squadra 🐺
Forza Roma 💛❤️ pic.twitter.com/vMMTxqfiAq
— AS Roma (@OfficialASRoma) July 13, 2021