Outsiders është ekipi i radhës që ka siguruar kualifikimin në fazën tjetër të turneut më të madh të CS:GO

Ekipi i dhjetë në ranglistën botërore, Outsiders, ka siguruar pjesëmarrjen në ‘Legends Stage’ të PGL Antwerp Major, pasi mposhti ekipin forZe.

Ndeshja e cila u zhvillua në formatin ‘Bo3’, përfundoi në të mirë të ekipit Outsiders, edhe pse në mapin e parë nuk e filluan aq mirë, duke humbur me rezultat 16-12, ekipi i Outsiders arriti të rikthehej, duke fituar dy mapat e fundit dhe duke përfunduar ndeshjen me rezultat të përgjithshëm 2-1 me mapa.

Lojtari më i vlefshëm gjatë kësaj ndeshje ishte Mareks ‘YEKINDAR’ Gaļinskis, me vlerësimin nga HLTV 1.33.

Me këtë fitore, Outsiders i bashkohet në ‘Legends Stage’ ekipeve Vitality dhe G2, të cilat siguruan kualifikimin ditën e djeshme.

Në ‘Legends Stage’, e cila do të zhvillohet përballë publikut në sallë, i presin ekipe të mëdha si, Na’Vi, FaZe, Heroic, Cloud9 dhe më shumë. /Telegrafi/