Ole Gunnar Solskjaer besohet se u ka thënë lojtarëve të tij të Manchester United se ata janë më të mirë se skuadra në të cilën ai ishte pjesë në vitin 1999, ku kishte fituar tripletën.
Kjo është sipas The Sun, e cila gjithashtu pretendon se norvegjezi e ka etiketuar skuadrën e tij si ‘favoritët e titullit’ pas nënshkrimit të Cristiano Ronaldos javën e kaluar.
Raportimi sugjeron që Solskjær beson se Ronaldo mund të ketë një ndikim të ngjashëm me Romelu Lukakun, i cili u kthye në Chelsea nga Interi në fillim të kësaj vere.
Strategu i United, i cili ka qenë në krye të skuadrës në Old Trafford që nga viti 2018, luajti një rol të rëndësishëm në sukseset e Djajve të Kuq të vitit 1999, duke shënuar golin e fitores në Finalen e Ligës së Kampionëve kundër Bayern Munich në Camp Nou.
Me të tillë si Jaap Stam, David Beckham dhe Paul Scholes, ajo skuadër United konsiderohet të jetë një nga më të mëdhatë në historinë e futbollit anglez, duke i bërë pretendimet e supozuara të Solskjær vërtet shumë të guximshme.
Duke u thënë kështu, skuadra e tij posedon tashmë disa yje të dëshmuar, duke përfshirë Bruno Fernandes, Jaden Sancho dhe, natyrisht, Ronaldon e sapoardhur. Ata gjithashtu kanë shijuar një fillim të shkëlqyer, të pamposhtur të sezonit pas golit të vonë të Mason Greenëood kundër Wolves.
Pikëpamja e Solskjaer për skuadrën e tij është e ndryshme nga ajo e disa prej ish-shokëve të tij të skuadrës së United. Roy Keane, i cili ishte në zemër të atij ekipi që fitoi tre tituj, beson se lojtarët e Solskjær janë të lehtë në disa fusha dhe kështu nuk do të arrijnë të fitojnë titullin këtë sezon. /Telegrafi/