Nuk ka filluar mirë turneu Blast Premier për ekipin e Na’Vi, të cilët u mposhtën nga ekipi OG në ndeshjen e tyre të parë.
Ekipi i OG me lojtarët e rinj si dhe me zëvendësuesin degster, kanë arritur që të mposhtin ekipin e Na’Vi në ndeshjen e parë në formatin ‘Bo3.
Na’Vi, të cilët gjithashtu po garojnë me një lojtar të ri, e filluan mirë ndeshjen, duke e fituar mapin e parë ‘Inferno’ me rezultat 16-7.
Por, planet e ekipit Na’Vi për fitore nuk shkuan siç duhet, pasi ekipi OG arriti të rikthehet në dy mapat e fundit, duke e përmbyllur ndeshjen me rezultat të përgjithshëm 2-1 me mapa.
Just @OGcsgo's third official with the new roster, with a stand-in, and already a win against the #3 team 😎#BLASTPremier pic.twitter.com/AAgCKx4i14
— HLTV.org (@HLTVorg) June 15, 2022
Lojtari më i dalluar në këtë ndeshje ishte Adam ‘NEOFRAG’ Zouhar, me vlerësimin nga HLTV 1.13.
Tani ekipi i OG, nesër (e enjte) e pret fituesin e ndeshjes ENCE kundër BIG, ndërsa ekipi i Na’Vi do të takohet me humbësin e kësaj ndeshje. /Telegrafi/