Neymari nuk ka mundur ta përfundojë ndeshjen e parë të Brazilit në fazën grupore të Kampionatit Botëror, ‘Katar 2022’.
Sulmuesi i Paris Saint-Germainit u detyrua të largohej nga fusha për shkak të një lëndimi që pësoi në këmbën e djathtë.
Imazhet e publikuara pas lëndimit të 30-vjeçarit, tregojnë se lëndimi i tij nuk ishte edhe aq i lehtë.
Në disa fotografi të shpërndara në mediat sociale dhe ato sportive, vërehet se nyja e këmbës së tij ishte ënjtur përnjëherë.
Mjeku i ekipit të Brazilit ka njoftuar se sulmuesi e ka ndrydhur nyjën dhe do t’iu nënshtrohet testeve mjekësore, para se të vlerësohet gjendja e tij.
Pritet të shihet nëse do të arrijë Neymar ta tejkalojë sa më shpejt këtë problem, në mënyrë që t’i ndihmojë Brazilit në sfidat e radhës. /Telegrafi/
