Site icon Telegrafi

Nura mban takimin e dytë publik me qytetarët, ata i parashtrojnë kërkesat

Pamje nga takimi

Kryetari i Komunës së Skenderajt, Fadil Nura, ka mbajtur sot takimin e dytë publik me qytetarët.

Nura ka paraqitur projektet e realizuara gjatë këtij viti dhe të tjerat që janë në vazhdim, shkruan Telegrafi.

“Megjithëkëtë, siç është shprehur kreu i Komunës, të gjitha projektet kanë për qëllim zhvillimin ekonomik, ngritjen e mirëqenies së qytetarëve, rregullimin e infrastrukturës rrugore publike, zhvillimin e bujqësisë, fuqizimin e rinisë nëpërmjet aktiviteteve e të tjerë”, thuhet në njoftim.

Nura ka treguar se disa nga “vështirësitë” gjatë vitit 2024 ishte zbatimi i kontratës kolektive të mësimdhënësve, të cilët sipas njoftimit, duke realizuar të drejtën e tyre financiare, disa projekte kapitale janë shtyer për realizim vitin e ardhshëm.

“Kryetari i Komunës ka siguruar qytetarët e pranishëm se pavarësisht vështirësive, ekzekutivi do të angazhohet të përmbush detyrimet karshi qytetarëve”, thuhet në njoftim.

Qytetarët i kanë parashtruar kërkesat dhe pyetjet me interes publik, në të cilat janë përgjigjur kryetari Nura dhe drejtori për Urbanizëm, Driton Mulaj. /Telegrafi/

Exit mobile version