Marcus Rashford ka ndarë pak nga koha e tij për t’iu përgjigjur pyetjeve të mbështetësve të tij në rrjetin social TikTok.
Një përdorues i këtij rrjeti social pyeti se kush është lojtari më i mirë me të cilin ka luajtur ndonjëherë dhe 26-vjeçari vendosi t’ia kthente.
Por, ai nuk mundi të kufizohej në një përzgjedhje dhe në vend të kësaj zgjodhi dy.
“Lojtari apo lojtarët më të mirë me të cilët kam luajtur ndonjëherë janë Cristiano Ronaldo dhe Wayne Rooney ”, zbuloi Rashford, duke shtuar më pas në mbishkrimin e postimit: “Nuk mund të zgjidhja vetëm një”.
Rashford e kaloi sezonin 2021/22 me Ronaldon përpara se portugez të largohej nga klubi për te Al Nassr.
Koha e tij me Rooneyn ishte drejt fillimit të karrierës së tij pasi ai depërtoi në ekipin e parë, ndërsa ka mundur padyshim të mësojë shumë nga ai. /Telegrafi/