Leverkuseni do të ketë një udhëtim të vështirë në Madrid, ku do të përballet me Atleticon.
Gjermanët ndeshjen e parë e kanë humbur në shtëpi me rezultat 4-2.
Kthimi duket shumë i vështirë dhe duke ia shtuar kësaj edhe mungesat e shumta që i ka.
Të lënduar janë Omer Toprak, Jonathan Tah, Stefan Kiessling dhe Lars Bender.
Shkaku i kartonëve do të mungojë Benny Henrichs.
Mungesa më interesante është ajo e Kai Havertz, i cili do të mungojë në këtë ndeshje të madhe, pasi ka një provim të rëndësishëm në shkollë.
https://www.youtube.com/watch?v=r-UOerKJQIE
Supertalenti Havertz është lojtari më i ri që ka luajtur në Bundesliga kur debutoi në humbjen ndaj Werder Bremen në tetorin e kaluar.
17 vjeçari debutimin e tij në Ligën e Kampionëve e ka bërë pikërisht kundër Atleticos në ndeshje e parë.
Djaloshi të mërkurën do të ketë dy dëshira, ta kalojë provimin dhe skuadra e tij të kalojë tutje për në çerekfinale. /Telegrafi/
