Manchester United e ka pësuar humbjen e dytë me radhë dhe të tetën në këtë edicion të Ligës Premier, ndaj Burnley me rezultat 2-0.
Djajtë e Kuq nuk po kalojnë momente të mira, pasi pësuan edhe një humbje pas asaj ndaj Liverpool.
Burnleyu shënoi në çdo pjesë nga një gol për të dalë me pikë të plota nga “Old Trafford”.
Edhe pse United e dominuan ndeshjen me posedim dhe raste, ishte Burnley që kaloi i pari në epërsi.
Chris Wood gjeti rrjetën në minutën e 39-të, gol me të cilin u mbyll edhe pjesa e parë.
Me të filluar pjesa e dytë ishin edhe një herë mysafirët që me Jay Rodriguez ngritën epërsinë.
Një gol shumë i bukur me një goditje të fuqishme nga Rodriguez.
Edhe pse United u mundua, deri në fund nuk kishte më gola.
Me këtë humbje United mbetet në vendin e pestë me 34 pikë. /Telegrafi/
https://twitter.com/danny312415/status/1220087820750114817
Jay Rodriguez would walk into Utd’s team right now. Change my mind. https://t.co/dSAOl1zSci
— GDon (@lfcgdon) January 22, 2020