President i Federatës Spanjolle të Futbollit (RFEF) Pedro Rocha është pezulluar për dy vjet nga Gjykata Administrative Kombëtare e Sporteve (TAD).
Një zëdhënëse e TAD konfirmoi vendimin, por tha se ai nuk ishte ende i detyrueshëm dhe mund të kundërshtohet në apel, gjë që media spanjolle raporton se Rocha planifikon ta bëjë.
Lajmi vjen tre ditë pasi futbollistët spanjollë fituan titullin kampion të Evropës në Berlin, duke mposhtur në finale Anglinë me rezultat 2-1.
Raportet thonë se TAD vendosi një sanksion në lidhje me shkarkimin e zyrtarëve të RFEF. Gjykata vlerëson se Rocha nuk kishte të drejtë për këtë masë si kreu i komisionit të përkohshëm të RFEF, pas dorëheqjes së presidentit të mëparshëm, Luis Rubiales.
Rocha dyshohet se u gjobit me rreth 33,000 euro për parregullsi të tjera. Rubiales dha dorëheqjen shtatorin e kaluar pasi puthi në buzë lojtaren Jennifer Hermoso pa pëlqimin e saj në ceremoninë e trofeut në fund të Kupës së Botës në të cilën Spanja fitoi titullin.
Ai dhe tre të bashkëakuzuar do të gjykohen në shkurt 2025 për këtë aferë dhe Rubiales është gjithashtu nën hetim për korrupsion dhe pastrim parash gjatë mandatit të tij si president i RFEF. /Telegrafi/