Fëmija i Barcelonës, Pau Cubarsi ka luajtur 13 ndeshje për katalanasit në të gjitha garat këtë sezon, duke u kthyer në sensacion, ndërsa kjo ka bërë që ai të ftohet edhe nga ekipi i parë i Spanjës.
Mbrojtësi i ri kohët e fundit po merr gjithnjë e më shumë besim nga trajneri Xavi Hernandez dhe disa nga yjet e klubit janë tronditur nga pjekuria e këtij të riu.
Cubarsi debutoi për ekipin e parë dy muaj më parë në Kupën e Spanjës kundër Salamancas, ndërsa pak ditë më vonë luajti në ndeshjen kampionale kundër Real Betis.
Ishte një natë para se të mbushte 17 vjeç. Barcelona fitoi 4-2 dhe Cubarsi luajti aq mirë sa Robert Lewandowski e mori mënjanë në dhomën e zhveshjes dhe e pyeti sa vjeç ishte.
Mediat spanjolle kanë zbuluar bisedën mes dyshes, duke treguar se sulmuesi i madh polak është habitur me pjekurinë e tij në atë moshë.
Lewandowski: Si je, një pyetje: Sa vjeç jeni?
Cubarsi: Jam 16 vjeç.
Lewandowski: Të kërkova të më thuash sa vjeç je. Mos më bëj budalla.
Cubarsi: Betohem që jam 16 vjeç.
Lewandowski: Nuk mund ta besoj që keni luajtur një lojë të tillë në moshën 16-vjeçare. Unë kurrë nuk kam parë diçka të tillë.
Që nga ajo ndeshje kundër Real Betisit, Cubarsi ka luajtur gjithnjë e më shumë dhe është kthyer në një lojtar standard në mbrojtje.
Në Ligën e Kampionëve, ai luajti një ndeshje të mirë në fitoren ndaj Napolit, si dhe shkëlqeu në një duel të vështirë me Atletico Bilbao në La Liga.
Ai gjithashtu ka marrë një thirrje në Kombëtaren e Spanjës A dhe ka të ngjarë të debutojë në ndeshjet e ardhshme kundër Kolumbisë dhe Brazilit. /Telegrafi/