Sulmuesi shtatlartë i Sheffield Wednesday, Atdhe Nuhiu, ka konfirmuar se ka interesim për të nga disa skuadra, ndër të tjera edhe nga St. Pauli.
Por 27-vjeçari ka thënë se ende asgjë nuk ka konkrete. Ai ka thënë se interesim ka edhe nga disa skuadra të tjera evropiane.
“Si gjithnjë, gjatë afateve kalimtare ka skuadra që shprehin interesim, por ende asgjë nuk ka konkrete”, ka thënë Nuhiu për gazetën Koha Ditore.
Nuhiu me skuadrën e Kategorisë së Dytë të Anglisë ka kontratë deri në verën e vitit 2018. St. Pauli luan në Bundesliga 2 të Gjermanisë.