Një furgon ra në një kanal të mbushur me ujë në jug të Pakistanit, duke vrarë 20 pasagjerë, kryesisht gra dhe fëmijë gjersa janë plagosur 13 të tjerë.
Incidenti në një autostradë të dobësuar nga përmbytjet ndodhi në provincën Sindh në autostradën Indus. Rruga ishte dëmtuar në disa vende për të kulluar ujërat e përmbytjeve, por nuk është riparuar. Pakistani i varfër po përpiqet të rikuperohet nga përmbytjet rekord, të cilat vranë më shumë se 1,700 njerëz dhe dëmtuan rrugë dhe ura.
Oficeri i policisë Imran Qureshi tha se furgoni po sillte pasagjerë nga rrethi Khairpur në një faltore të famshme sufiste në Sehwan, raporton abcnews.
BREAKING NEWS
20 killed in Indus Highway accident in Sewan Sharif#Pakistan #Sindh #Sehwan pic.twitter.com/k901kfY3cS— Rahul Sisodia (@Sisodia19Rahul) November 17, 2022
Ai tha se 13 nga pasagjerët u shpëtuan dhe u transferuan në një spital aty pranë. Zyrtarët e spitalit thanë se tetë gra dhe 10 fëmijë, të moshës 10 deri në 15 vjeç, ishin midis të vdekurve. Dy nga të plagosurit thuhet se janë në gjendje kritike.
Provinca jugore Sindh ishte më e goditura nga përmbytjet e shkaktuara nga shirat e paprecedentë të musonit dhe të përkeqësuara nga ndryshimet klimatike. Fatkeqësia preku 33 milionë njerëz që nga mesi i qershorit dhe dëmtoi dy milionë shtëpi.
Përmbytjet katastrofike në Pakistan, kryesisht në Sindh, lanë gjithashtu lidhjet rrugore. /Telegrafi/