Një zjarr i madh ka shpërthyer në anijen gjigante “MSC Lirika”, që ishte ankoruar në portin grek Korfuz, që prej 30 janarit gjatë sezonit të dimrit.
Në anijen që barte flamurin e Panamasë ishin vetëm anëtarët e ekuipazhit, por edhe ata 51 janë evakuuar, transmeton Telegrafi.
Brenda saj nuk kishte pasagjerë, pasi është ende sezoni i dimrit. E shkaqet që çuan deri te ky zjarr i madh, ende nuk janë bërë të ditura.
Ekipet e zjarrfikësve menjëherë ishin shfaqur në vendin e ngjarjes për ta lokalizuar zjarrin.
Mediat lokale raportojnë se zjarri kishte shpërthyer pikërisht në vendin ku ishin të vendosura dy anije më të vogla, që do t’i shpëtonin pasagjerët në rast se shpërthen ndonjë zjarr. /Telegrafi/
