Një tornado e fuqishme ka goditur qytetin Suqian në Kinën lindore, duke lënë një gjurmë shkatërrimi.
Dhe pamjet e pasojave tregojnë linjat e energjisë në flakë dhe makina të përmbysura, përcjell Telegrafi.
Qindra njerëz u zhvendosën përkohësisht për shkak të tornados, dhe të paktën pesë persona dihet se kanë vdekur, raportoi media shtetërore të martën.
Mediat lokale raportuan gjithashtu paralajmërime moti për shi të dendur dhe erëra të forta në rajon.
Ndryshe, Kina ka parë nxehtësi ekstreme dhe përmbytje shkatërruese këtë verë.
Ndikimi i ndryshimit të klimës në frekuencën e stuhive është ende i paqartë, por ne e dimë se temperaturat e rritura të sipërfaqes së detit ngrohin ajrin sipër dhe bëjnë më shumë energji të disponueshme për të nxitur uraganet, ciklonet dhe tajfunet.
Si rezultat, ato ka të ngjarë të jenë më intensive me reshje më ekstreme. /Telegrafi/