Cristiano Ronaldo vijon të tërheqë vëmendje, pasi portugezi nuk ka vendosur akoma për të ardhmen e tij, pasi dëshiron të luajë në Ligën e Kampionëve.
Ronaldo është refuzuar nga disa skuadra, por ish futbollisti i njohu, Samir Nasri i ka sugjeruar atij që të ndërpresë kontratën e tij me klubin nga “Old Trafford” dhe të kaluar në Ligue 1, te Marseille, qytet ku Nasri ka lindur dhe nisur karrierën.
“Kam një zgjidhje për të. Ai mund ta ndërpresë kontratën me Manchester United dhe të transferohet te Marseille”.
“Atje do gjejë edhe Ligën e Kampionëve dhe marsejezët disponojnë edhe një sulmues kalibri si Alexis Sanchez dhe të dy do të formonin një dyshe perfekte”, ka thënë Nasri për “Canal+”.
Portugezi luajti vetëm katër minuta në fitoren 2-1 ndaj Liverpool, të hënën në mbrëmje.
E ardhmja e Cristianos është ende në pikëpyetje dhe pse 5 herë fituesi i Topit të Artë ka deklaruar se gjithçka flitet në media, janë thashetheme, por sërish nuk ka zëra zyrtar. /Telegrafi/