Një ndodhi nga më të rrallat: Portieri i Atletico Madridit luan si mbrojtës – paraqitje që i la të gjithë pa fjalë

Portieri i Atletico Madridit, Antonio Gomis, sigurisht që nuk do ta harrojë me nxitim debutimin e tij për klubin.

19-vjeçari bëri paraqitjen e tij të parë për skuadrën spanjolle teksa mposhtën Numancia 4-0 në një miqësore para-sezonale të mërkurën.

Por, në vend që të luante në pozicionin e tij të zakonshëm mes portës, Gomis u fut si lojtar jashtë porte në minutën e 76 -të.

Lexo po ashtu "KundërCR7" - fillon fushata kundërshtuese nga tifozët e Atletico Madridit ndaj Ronaldos

Trajneri i Atleticos, Diego Simeone, u detyrua të bënte një lëvizje drastike pasi mbrojtësi Mario Hermoso u largua për shkak të një lëndimi në kyçin e këmbës.

Me Gomis të vetmin zëvendësues të disponueshëm të mbetur në bankinën e tij, Simeone vendosi të sillte portierin e tretë si lojtar në vend që ta mbyllte ndeshjen me 10 lojtarë.

Lexo po ashtu Bordi i Atleticos i tregon Simeones se çfarë duhet të bëjë për ta bërë realitet transferimin e Ronaldos

Gomis doli në fushë me fanellën numër 18 të mbrojtësit Felipe, por në vend të kësaj do të rreshtohej në sulm përkrah Matheus Cunha.

Dhe ai ra në sy me një mjeshtëri të bujshme, duke arritur të mashtrojë një mbrojtës të Numancias me një lëvizje të shkëlqyer. /Telegrafi/