Ruud Van Nisterlrooy do të bëhet asistenti i Erik ten Hag te gjiganti anglez Manchester United.
Ish-qendërsulmuesi i njohur holandez po rikthehet në klubin ku shkëlqeu si lojtar.
Van Nistelrooy luajti për United nga 2001 deri në 2006 ku në 219 ndeshje, ai shënoi 150 gola dhe ishte një nga sulmuesit më të mirë në botë.
Pas kësaj ai shkoi në Real Madrid dhe luajti edhe në HSV, Malaga, PSV, Heerenveen dhe Den Bosch.
Në karrierën e tij si trajner ka drejtuar juniorët, ekipin e dytë dhe atë të seniorëve të gjigantit holandez PSV Eindhoven.
Si trajner i PSV-së fitoi Kupën dhe Superkupën, si dhe drejtoi skuadrën në 51 ndeshje ku fitoi 33 herë, barazoi dhjetë herë dhe humbi tetë herë.
Ai kishte disa oferta në të cilat do të mbetej trajner i pavarur, por nga sezoni i ardhshëm do të jetë një anëtar i rëndësishëm i stafit të Ten Hag. /Telegrafi/