Një lamtumirë me lot në sy e Marco Verratti nga PSG – tifozët i bën nderime lojtarit më të trofeshëm në histori të klubit

Pas 11 sezonesh në Paris, Marco Verratti i dha lamtumirën publikut në “Parkun e Princave” mbrëmjen e së premtes para fillimit të ndeshjes PSG-Nice. Shumë i prekur, italiani u përshëndet nga tifozët parisienë dhe nuk i mbante dot lotët.

Klubi parisien kishte planifikuar t’i bënte një lamtumirë të fundit, italianit i cili do t’i bashkohet shtetit të Katarit në klubin Al-Arabi me të cilin nënshkroi këtë javë.

Një shpërblim i drejtë për një figurë emblematike, i cili mbërriti në kryeqytetin francez në verën e vitit 2012 në moshën 19-vjeçare.

Pak para orës 20:00, Marco Verratti hyri në fushën e stadiumit i shoqëruar nga gruaja dhe dy fëmijët e tij.

Tashmë shumë i prekur, ish-numri 6 mori një gardë nderi nga bashkëlojtarët dhe drejtuesit, të gjithë të veshur me një bluzë “Faleminderit Marco”.

Lexo po ashtu Zyrtare: Marco Verratti, lojtar i ri i Al-Arabi

Ai u mërzit edhe kur ish-partnerët si Blaise Matuidi, Thiago Motta, Ezequiel Lavezzi, Thiago Silva dhe Zlatan Ibrahimovic i bën një nderim të fortë me mesazhe të bukura të vendosura në një ekran gjigant.

“Një dekadë magjie, 30 trofe me Parisin, një monument me emrin Marco Verratti”, lexohej në një nga pankartat. /Telegrafi/