Borussia Dortmund ka marrë një fitore spektakolare ndaj Borussia Moenchegladbach në kuadër të xhiros së 23-të në Bundesliga.
Verdhezinjtë kanë triumfuar me rezultat të thellë 6-0 në një ndeshje ku shkëlqeu kapiteni i tyre Marco Reus.
32-vjeçari e hapi serinë e golave në minutën 26-të, derisa asistoi edhe në tre gola të tjerë të shënuar nga Malen, Wolf e Moukoko.
Në minutën e 82-të, Reus realizoi golin e dytë personal, kur shënoi pas një asistimi nga Mats Hummels.
Kapiteni i Dortmundit pasi kompletoi ‘het-trickun’ me asistime pati mundësinë që ta bëjë këtë edhe me gola, por ai nuk vendosi kështu.
Në minutën e 91-të, Dortmund fitoi penallti dhe Reus nuk u tregua egoist për ta ekzekutuar atë.
Sulmuesi gjerman ia la ekzekutimin e penalltisë mesfushorit Emre Can i cili realizoi për 6-0.
Nuk ndodh shpesh që një futbollist të bëj ‘het-trick’ me gola e asistime brenda një ndeshje, por Reus e pati mundësinë dhe nuk e bëri duke mos u treguar egoist. /Telegrafi/
