Drejtoria për Mirëqenie Sociale në Pejë, nga muaji shtator, së bashku me Organizatën për Fëmijët pa Kujdes Prindëror do të fillojnë kampanjën “Një familje edhe për mua”, me qëllim të krijimit të strehimoreve familjare, të cilët do t’u vijnë në ndihmë fëmijëve të braktisur.
Drejtoresha e Mirëqenies Sociale në Pejë, Albulena Mujaj-Bajraktaraj ka thënë për Telegrafin se qëllimi i kampanjës është vetëdijësimi i qytetarëve për këtë kategori të fëmijëve të cilët kanë ngelur në mëshirën e fatit.
“Drejtoria e Mirëqenies Sociale në Pejë në bashkëpunim me OFAP nga muaji shtator do të nisin kampanjën ‘Një familje dhe për mua’, me synim vetëdijesimin e qytetarëve të Komunës së Pejës që të shërbejnë si familje që ofrojnë strehim për fëmijët e braktisur”, ka thënë Mujaj Bajraktaraj.
Ka raste të fëmijëve të braktisur nga qyteti i Pejës, të cilët për shkak të mungesës së familjeve strehimore, komuna është detyruar t’i dërgojë në vendet e tjera të Kosovës. /Telegrafi/