Nitaj: Lista AAK-PSD përbëhet nga kuadrot më cilësore të dy subjekteve

Anëtari i Kryesisë së AAK-së, Muharrem Nitaj ka thënë se lista e këtij subjekti politikë për zgjedhjet e 6 tetorit është shumë cilësore.

Nitaj, në një lidhje direkte për “Debat Plus” me Ermal Pandurin në RTV Dukagjini ka thënë është shumë e rëndësishme që lista prej 110 vetave ka 41 kandidatë të rinj dhe sipas tij ka më tepër se 18 doktorë shkencash.

Ai ka thënë se lista përbën kuadrot shumë cilësore të dy subjekteve AAK dhe PSD.

Nitaj ka thënë se edhe figurat bazë të PSD e bëjnë këtë listë shumë cilësore duke shtuar sipas tij edhe drejtuesin e koalicionit Ramush Haradinajn.

Ai ka përmendur edhe renditjen që është bërë më short në listës së AAK, dhe sipas tij renditja nuk nënkupton ndonjë hierarki apo merita.

“Vlejnë të përmenden edhe kandidaturat e reja siç është Besa Luzha apo të tjerët që nuk dua t’i përmend më emra”, tha mes tjerash Muharrem Nitaj./Telegrafi/