Site icon Telegrafi

Nis procesi i certifikimit të mësimdhënësve në Ferizaj me qëllim të rritjes së përformances dhe cilësisë në shkolla

Drejtoria Komunale e Arsimit në Ferizaj gjatë viteve të fundit ka treguar një përformancë mjaftë të lartë në menaxhim të sistemit arsimor, teksa kjo është kurorëzuar edhe me mirënjohje e certifikata të ndryshme nga organizata të ndryshme.

Drejtuesit e kësaj drejtorie së fundmi në bashkëpunim me organizatën “LIONS QUEST” kanë përfunduar fazën e pare të certifikimit të 34 mësimdhënësve me qëllim të ngritjes së përformances në plan-programet e tyre të punës.

Mësimdhënësit kanë kryer këto trajnime profesionale didaktike për metodologjinë e punës dhe shprehitë e adoleshencës dhe një varg trajnimesh të tjera.

Drejtori i Arsimit në këtë komunë Afrim Llabjani, në një intervistë për Telegrafin, ka thenë se edhe 105 mësimdhënës të tjerë janë në process të certifikimit. Sipas tij, organizata “LIONS QUEST” është e licencuar për trajnimin e mësimdhënësve në fusha të ndryshme.

“Këto trajnime kanë për qëllim rritjen e cilësisë dhe përformances në arsim. Certifikimi i mësimdhënësve ka qenë objektiv i qeverisjes sonë dhe këtë po e arrijmë gradualisht. Përveç certifikimit të 34 mësimdhënësve, si DKA jemi në proces edhe  për 105 mësimdhënës të tjerë që të marrin certifikata të tilla për programe të ndryshme”, ka thënë Llabjani.

Ndërkohë edhe zyra për informim në këtë komunë, ka njoftuar lidhur me certifikimin e mësimdhënësve, të mërkurën.

“Në kuadër të ngritjes dhe zhvillimit profesional të mësimdhënësve të komunës sonë, Drejtoria e Arsimit në bashkëpunim me organizatën LIONS QUEST, ka bërë certifikimin edhe të 34 mësimdhënësve të nivelit fillor dhe të mesëm të ulët në trajnimin “Shprehitë për adoleshencën. Drejtoria e Arsimit mbetet e përkushtuar për mbështetjen dhe përkrahjen e vazhdueshme të mësimdhënësve në ngritjen dhe zhvillimin e tyre profesional” , thuhet në njoftimin e komunës./Telegrafi/

Exit mobile version