Ekipi NiP, G2 dhe ENCE kanë siguruar pjesëmarrjen në turneun më të madh të CS:GO që do të mbahet në Antwerp të Belgjikës.
NiP mposhti ekipin SINNERS, në një përballje ‘Bo3’, të cilën arritën të dilnin fitues me rezultat të përgjithshëm 2:0, 16:8 dhe 16:11.
Lojtari më i vlefshëm në këtë ndeshje u shpall suedezi Fredrik ‘REZ’ Sterner me vlerësimin nga HLTV 1.45.
#GONINJAS 🥷 pic.twitter.com/3f8hrxh6Pi
— HLTV.org (@HLTVorg) April 23, 2022
Ndërsa G2 mposhtën ekipin danez Astralis në një ndeshje me rezultat të ngushtë, ku arritën të rikthehen pasi kishin humbur ‘mapin’ e parë, 10:16, në ‘mapin’ e dytë fituan me lehtësi 16:7, ndërsa në ‘mapin’ e tretë arritën që ta dërgojnë ndeshjen në vazhdime nga rezultati 14:10 sa ishin duke humbur, e për të fituar në fund me rezultat 19:17.
Lojtari më i vlefshëm ne këtë ndeshje u shpall snajperisti i ekipit Astralis, Asger ‘Farlig’ Jensen.
ENCE mposhti ekipin Anonymo me rezultat të përgjithshëm 2:0 me mapa, 16:9 dhe 16:10, lojtari më i vlefshëm i kësaj ndeshje u shpall snajperisti i ekipit ENCE, Olek ‘hades’ Miskiewicz me vlerësimin nga HLTV 1.26.
#EZ4ENCE 💪
📸 @brcho_ pic.twitter.com/XIvclatr3L
— HLTV.org (@HLTVorg) April 23, 2022
Me këto fitore të tria ekipet kanë siguruar pjesëmarrjen në PGL Antwerp Major 2022, dhe sot (e diel) pritet të luhet edhe një ndeshje ndërmjet NiP kundër G2 ose ENCE për renditje. /Telegrafi/