Disa thonë se paraja e blenë lumturinë, ndërsa tjerët besojnë në fuqinë e mendimit pozitiv. Por, siç duket ekziston një mënyrë më e lehtë dhe më e lirë për ta vendosur një buzëqeshje në fytyrë. Sipas një studimi të ri, përgjigja apo sekreti i kësaj shtrihet në ngrënien e ushqimeve të verdha.
Hulumtimet nga The Happy Egg Company kanë konsumuar se konsumimi i ushqimeve të verdha liron nivele të mëdha të hormoneve të lumturisë sepse këtë ngjyrë e ndërlidhim me ndjenjat e kënaqësisë, transmeton Telegrafi.
Psikologët sugjerojnë se lidhja pozitive me këtë ngjyrë fillon qysh në moshë të hershme. E verdha gjithashtu thuhet se e stimulon anën e majtë apo anën logjike të trurit, e cila na inkurajon ta perceptojmë atë si një ngjyrë të ngrohtë dhe argëtuese në spektrin e nuancave.
Studimi, i cili e kishte matur kohën e përgjigjeve të 1,000 njerëzve kur u ishin përgjigjur pyetjeve rreth ngjyrave të ushqimit dhe lumturisë, ka zbuluar se 70 për qind e njerëzve i ndërlidhin ushqimet e verdha me ndjenjën e argëtimit apo gëzimit.
61 për qind e të anketuarve kanë thënë se omëletat janë ushqimi më i ‘lumtur’, ndjekur pas nga djathi makaroni, i cili ka marrë 55 për qind të votave. Bananet, palapetat dhe vezët renditen në top 5-she. /Telegrafi/