Kompania Regjionale e Mbeturinave “Pastrimi”, SH.A ka njoftuar se ka hyrë në fuqi Rregullorja e re e Mbeturinave për gjithë klientët e amvisërisë në Komunën e Prishtinës.
Në një njoftim për media bëhet e ditur se sipas rregullores së re të mbeturinave nga data 01 Janar 2025, KRM “Pastrimi”, do të jetë përgjegjëse për inkasimin e faturave për shërbimet e menaxhimit të mbeturinave në Komunën e Prishtinës.
“Faturimi dhe inkasimi i mbeturinave nga 01 Janar 2018 e deri tani është bërë nga Komuna e Prishtinës, ndërsa nga data 01 Janar 2025 do të bëhet nga Kompania Regjionale e Mbeturinave “Pastrimi”, SH.A.
Klientët e Komunës së Prishtinës pagesat e faturës së mbeturinave mund t’i bëjnë direkt tek inkasantët tanë apo në zyrat/ arkat zyrtare të KRM “Pastrimi” Sh.A”, thuhet në njoftim.
Tutje në njoftim bëhet e ditur se lokacionet e zyrave për pagesë të mbeturinave:
– Rr “Ilaz Kodra”, Dardani
– Rr “Zija Shemsiu”, Upianë
– Rr “Gazmend Zajmi”, Bregu i Diellit
– Rr. “Agim Ramadani”, te Komuna e vjetër e Prishtinës (Plepat)
– Rr. “Tringë Smajli” Qendër
– Rr. “Nazim Gafurri”, Taukbahqe
– Rr. “Ali Vitia”, Kalabri
– Rr. “Muharrem Fejza”, Matiçan
– Rr. “Bajram Bahtiri”, Hani i Dilit
Siç bëhet e ditur në njoftim shumë shpejt, do të ofrojnë mundësinë për pagesa online, të cilat do të lansohen shumë shpejt.
“Kompania Regjionale e Mbeturinave “Pastrimi”, SH.A falënderon gjithë klientët për bashkëpunimin e treguar gjatë vitit 2024, me shpresë për një bashkëpunim më të mire gjatë vitit 2025”, thuhet ndër të tjera në njoftim. /Telegrafi/