Ylli i Përfaqësueses së Brazilit, Neymar Junior është rikthyer në stërvitje dhe është gati ta ndihmoj ekipin e tij drejt sukseseve në Kupën e Botës “Katar 2022”.
Neymar pësoi një dëmtim në ndeshjen e parë të grupeve ndaj Serbisë, ndërsa nuk luajti fare ndaj Zvicrës dhe Kamerunit.
Megjithatë, sulmuesi i Paris Saint-Germain po rikuperohet në afat rekord dhe tashmë ka filluar stërvitjet.
Është vet Neymar, i cili me anë të një postimi në rrjetet sociale ka treguar se ndihet mirë pasi u bashkua me skuadrën në seancën stërvitore të së shtunës.
“Ndihem mirë, e dija që do të ndihesha tani”, ka shkruar Neymar në Twitter, bashkangjitur me dy fotografi.
I feel good, I knew that I would now
✋🏽😜🤚🏽 pic.twitter.com/LpJ3BZJaU9— Neymar Jr (@neymarjr) December 3, 2022
Neymar nuk dihet nëse do të jetë gati 100 për qind për ndeshjen e së hënës ndaj Koresë së Jugut, por sigurisht që pritet t’i luajë disa minuta.
Ylli brazilian është parë në disponim dhe formë të lartë në stërvitjen e fundit me grupin, ku nuk munguan edhe golat dhe driblimet e tij. /Telegrafi/
https://twitter.com/BrasilEdition/status/1599105165646143488
Stop that Neymar pic.twitter.com/MAYYKpqmae
— Ginga Bonito 🇧🇷 (@GingaBonitoHub) December 3, 2022