Të hënën e 3 gushtit, Neymar i kompletoi tri vite që kur kaloi nga Barcelona te Paris Saint-Germain për shumën që ende vazhdon të jetë rekord, 222 milionë euro.
Pas këtyre tri viteve, sulmuesi brazilian ka vendosur që t’i zbulojë gjërat nëpër të cilat ka kaluar, duke thënë se është në formë më të mirë që kur iu bashkua kampionit të Ligue 1.
“Këto tri vite kanë qenë mjaftë me eksperiencë. Kam pasur momente të mira dhe të vështira, veçanërisht kur nuk mund të luaja nga lëndimet”, ka thënë Neymar.
“Me ndihmën e bashkëlojtarëve, arrita të rikthehem fuqishëm çdo herë dhe të ndihmojë skuadrën të fitojë tituj”.
“Tifozët dhe klubi mund të shoh se sa jam i përkushtuar në çdo ndeshje që të fitojmë dhe të sjellim tituj më të mëdhenj”.
“Mendoj se jam në formën më të mirë që kur erdha në Paris. Jemi një familje që kemi një ëndërr: Të fitojmë Ligën e Kampionëve në këtë edicion”, ka shtuar më tej ai.
Neymari po kërkohet me ngulm nga Barcelona, mirëpo PSG nuk po e lejon aq lehtë lojtarin që të rikthehet në Camp Nou. /Telegrafi/