Sulmuesi i Paris Saint-Germain, Neymar, ka dhënë disa deklarata befasuese për jetën e tij në futboll, duke thënë se ai nuk ishte gjithmonë i lumtur në këtë sport.
Braziliani zbuloi se ai dikur e konsideronte që ta linte futbollin.
“E pyeta veten një herë nëse doja të vazhdoja të luaja futboll”.
“Unë shkova në shtëpi një ditë me kokën e mbushur dhe pastaj fillova të mendoj për gjithçka që bëra për të arritur këtu ku jam sot”.
“Dashuria ime për futbollin më qetësoi dhe më ktheu përsëri në tokë”, ka treguar Neymar gjatë një interviste me revistën Gaffer.
Ish ylli i Barcelonës e pranoi, megjithatë, se presioni nuk e prek atë shumë.
“Unë jam dikush që mund të trajtojë lehtësisht presionin dhe kjo është arsyeja pse unë jam Nr.10 i Brazilit dhe PSG-së”.
“Unë jam shumë mirënjohës që përfaqësoj skuadra si Brazili dhe PSG. E di që duhet të jap 100 për qind sa herë që luaj, sepse është ajo që të gjithë presin nga unë”, ka thënë Neymar.
Neymar sapo ka shtuar një tjetër trofe në koleksionin e tij duke fituar Superkupën e Francës nën drejtimin e trajnerit të ri, Mauricio Pochettino. /Telegrafi/