Sulmuesi i Paris Saint-Germain, Neymar është bërë emri i fundit që i është bashkuar luftës ndaj coronavirusit duke dhuruar një shifër të konsiderueshme të parave.
Përhapja e shpejtë dhe e lehtë e coronavirusit të njohur si Covid-19 ka bërë që thuajse të gjitha aktivitetet sportive dhe më gjerë të ndalohen.
Futbolli është ndaluar në të gjitha kampionatet kryesore evropiane dhe ende nuk ka një datë të saktë kur mund të rifillojë.
Megjithatë, luftimin ndaj coronavirusit janë duke e bërë edhe njerëz të futbollit me anë të donacioneve të tyre.
I fundit është ylli brazilian i PSG-së, Neymar, i cili thuhet se ka dhuruar tashmë mbi 750 mijë funte për ta luftuar virusin ngjitës.
Neymar has donated over £750,000 to UNICEF and a celebrity fund to help those affected by the coronavirus pandemic, via @pfofocalizando 👏 pic.twitter.com/1ee4GyfeiK
— B/R Football (@brfootball) April 3, 2020
Gjatë ditëve të kaluara edhe shumë yje tjera të futbollit dhuruan para për luftën ndaj coronavirusit.
Dy lojtarët më të mirë në botë, Lionel Messi dhe Cristiano Ronaldo, ashtu edhe trajneri Pep Guardiola kanë dhuruar secili nga 1 milionë euro. /Telegrafi/