Manuel Neuer do të presë katër muaj përpara se të kthehet të luajë sërish me Bayern Munchen.
Portieri u dëmtua përsëri në këmbën e majtë që e kishte lënduar më parë, ndërsa i është nënshtruar një ndërhyrjeje kirurgjikale dhe do të jetë mes shtyllave të portës jo më parë se muaji janar.
Neuer u dëmtua gjatë një seance stërvitore në prag të ndeshjes me Schalken 04.
Portën e bavarezëve do e mbrojë Sven Ulreich, i cili në këtë sezon ka luajtur tri ndeshje nga fillimi.
Ky është lëndimi i radhës për portierin që në vitin e fundit nuk është bërë aspak rehat.
Lajm jo i mirë për Carlo Ancelottin i cili ka hasur në probleme të mëdha këtë vit në menaxhimin e skuadrës.
Neuer është te Bayerni që nga viti 2011 dhe ka fituar të gjithë trofetë e mundshëm me këtë klub. /Telegrafi/