Manuel Neuer ka bërë një operim të vogël, por do t’i mungojë Bayern Munichut vetëm në dy ndeshjet e ardhshme në Bundesliga.
Portieri gjerman mungoi edhe në dy ndeshjet e kombëtares gjermane me Anglinë dhe Azerbajxhanin.
Klubi e ka konfirmuar operimin dhe e mungesën.
“Manuel Neuer ka kaluar një operim të suksesshëm me Prof Dr Markus Walther të mërkurën, pas dhimbjeve në këmbën e majtë”.
“Portieri 31 vjeçar do t;i mungojë skuadrës tonë në ndeshje me Augsburg të shtunën dhe kundër Hoffenheimit të enjten”.
Neuer nuk ka munguar në asnjë ndeshje të Bayernit që nga viti 2015.
Portieri pritet të jetë i gatshëm për dy ndeshjet e rëndësishme ndaj real Madridit, ndërsa në kampionat janë 13 pikë epërsi ndaj ndjekësit të parë. /Telegrafi/