Netflix Inc. ka shtuar 50 për qind më shumë abonues se sa që pritej vetëm në çerekun e tretë të këtij viti pasi që seritë origjinale të kompanisë si “Stranger Things” kanë tërhjekur shikuesit ndërkombëtar.
Poashtu, shikuesit amerikan kanë mbajtur lidhjen me Netflix përkundër rritjes së çmimit abonues, duke rritur aksionet e kompanisë për 20 për qind.
Performanca e kompanisë ka hasur një rritje nga çereku i kaluar në të cilin ka pasur rritje të vogël abonimesh.
Në ndërkohë, Netflix edhepse ka shpenzuar shumë për zgjerimin global jashtë Amerikës ka dalë me deklarata zyrtare se është rrugës drejt ‘korrjes’ së profitit global në vitin e ardhshëm.
Aksionet e Netflix janë rritur në 119.82 dollarë prej vlerës së mëhershme prej 99.80 dollarëve.
Netflix ka shtuar rreth 3.20 milionë abonues në mbarë botën gjatë çerekut të tretë, më shumë se shifra e parashikuar nga analistët prej 2.01 milionëve.
Në SHBA, Netflix ka shtuar 370,000 abonime ndërkohë që nga parashikimet e firmës hulumtuese FactSet StreetAccount pritej një mesatare prej 309,000 abonimeve.