Komisioni për liçencim pranë Federatës së Futbollit të Maqedonisë (FFM) ka dhënë ‘dritë jeshile’ për t’u hedhur shorti për sezonin e ri 2017/2018.
Shorti do të hidhet për ligën e parë, si edhe dy ligat e dyta të kampionatit të Maqedonisë, përcjell Telegrafi Maqedoni.
Aktiviteti do të organizohet nesër (e martë), 25 korrik, me fillim në ora 12:30, kurse ndeshjet e para duhet të luhen më 16 gusht.
Fillimi zyrtar i sezonit është caktuar për më 13 gusht, për ligën e parë, kurse më 26 gusht, për ligën e dytë – lindje dhe perëndim.
Edhe për këtë vit, pretendent për ta fituar kampionatin mbeten klubi i futbollit Vardari dhe Shkëndija. /Telegrafi/