Gjithsej 16 skuadra do të garojnë në kualifikimet e mbyllura të Evropës Jugore për turneun Champion of Champions Tour.
Ngjarja për ekipet e Evropës Jugore, Champion of Champions do të organizohet nga dyqani më i madh i teknologjisë në Kosovë Gjirafa dhe do të shpërndaj çmime në vlerë rreth 300.000 dollarë, ku do të organizohen gjithsej katër turne dhe do të marrin pjesë edhe skuadra shqiptare.
16 skuadra të ndara në katër grupe do të garojnë në fazën “Play-In” duke filluar nga nesër (e mërkurë), dhe vetëm katër prej tyre do të sigurojnë pjesëmarrjen në fazën tjetër të grupeve ku i presin edhe 12 skuadra të tjera të ftuara.
Ekipi shqiptar Illyrians është pjesë e grupit C, ndërsa ekipi tjetër shqiptar NeverSurrender të cilët siguruan pjesëmarrjen përmes kualifikimeve janë pjesë e grupit A.
Në mesin e 16 skuadrave bëjnë pjesë edhe ekipi i akademisë të OG, Alternate aTTax, eSuba, EC BRUGGE e shumë ekipe të tjera të Evropës.
Ndeshjet e fazës Play-In në turneun kualifikues për ekipet e Evropës Jugore në CCT do të fillojnë nesër (e mërkurë) nga ora 12:00, dhe do të transmetohen në platformën GjirafaVideo. /Telegrafi/