Javën e ardhshme, fusha anticiklonike do të vazhdojë të fuqizohet mbi Evropën Lindore dhe rajonin tonë, që do të sjellin edhe më tutje mot më stabil dhe kryesisht me diell. Orëve të mëngjesit do të ketë ngrica, e në vise të ulëta dhe lugina priten kushte edhe për mjegull.
Temperaturat minimale do të luhaten nën vlera mesatare, nga -6 gradë C deri në -2 gradë C, e ato maksimale do të sillen përreth vlerave normale për këtë periudhë nga +4 gradë C deri në +6 gradë C. Era do të fryjë nga juglindja dhe verilindja 1-5m/s, derisa shtypja atmosferike do të rritet mbi vlera normale.