Presidenti filipinas Rodrigo Duterte është regjistruar sot në momentet e fundit për zgjedhje për senator që do të mbahen në vitin e ardhshëm, ku me këtë veprim bëri të qartë për qëllimet e tij në të ardhmen në politikë, pasi që t’i skadojë mandati i presidentit.
Duterte i cili sipas Kushtetutës nuk mund të kandidojë edhe për një mandat për president që është një mandat gjashtëvjeçar, kështu sot ka dorëzuar kandidaturën e tij në Komisionin Zgjedhor, pak momente para skadimit të mandatit për aplikim të kandidatëve, transmeton Telegrafi.
Avokati që përfaqëson shefin e shtetit i ka dorëzuar dokumente, ku me këtë veprim është vënë pika mbi spekulimet për mundësinë e një kandidimi tjetër për president.
Megjithatë kandidate për president të vendit tashmë është e bija e tij Sara, e cila haptazi ka shfaqur apetitet që ta udhëheq shtetin gjatë gjashtë viteve të ardhshme.
Kanë qarkulluar thashetheme që e bija e Dutertes do të kandidojë në zgjedhjet presidenciale, me qëllim që ta mbrojë babanë nga një gjykim i mundshëm për shkak të përplasjeve me dilerët e drogës.
Megjithatë, Sara Duterte-Kaprio e cila sot ka dorëzuar kandidaturën për postin e presidentit të Filipineve para mbështetësve dhe Komisionit Zgjedhor, tha se do të jetë kandidate e denjë. /Telegrafi/