Gjatë seancës së djeshme në Kuvendin e Serbisë, për pak sa nuk ka ndodhur një konfrontim fizik mes deputetëve Millenko Jovanovi dhe Bora Novakoviq.
Pasi që shefi i grupit parlamentar të përparimtarëve Millenko Jovanov bënte akuza në llogari të Bora Novakoviqit, deputetit nga Partia Popullore u ngrit në këmbë dhe u nis drejt Jovanovit, transmeton Telegrafi.
“I mjerë, çfarë ka, eja do e shohësh”, tha Novakokviq pasi që deputetin i Partisë Popullore u nis drejt tij.
Në anën tjetër, para Jovanovit qëndronin deputetët e SNS-së, në mesin e të cilëve edhe Vlladimir Gjukanoviq dhe Marijan Ristiçeviq.
Gjatë konfliktit verbal, Vladimir Gajiq dhe Mirosllav Aleksiq shkuan pranë Novakoviqit dhe e tërhoqën pas.
Në shikim të parë dukej sikur situata po eksalonte dhe do të vinte deri te ndonjë konfrontim fizik mes deputetëve të Kuvendit të Serbisë.
Megjithatë, pasi u shpërndanë dhe secili u ul në vendin e vet, situata u qetësua dhe vazhdoi seanca me masa të shtuara të sigurisë, nga frika se mund të ketë ndonjë incident tjetër të ngjashëm. /Telegrafi/
