Debati i përjetshëm mes admiruesve të qenve dhe maceve me gjasë do të përfundojë.
Shkencëtarët kanë zbuluar se cila nga kafshët tona të preferuara na do më së shumti. Si pjesë e dokumentarit të BBC2, të quajtur “Cats vs Dogs”, e të udhëhequr nga ekspertët e kafshëve Chris Packham dhe Liz Bonnin, një neuroshkencëtar ka hetuar se cilat specie i duan njerëzit, transmeton Telegrafi.
Ne veçse e kemi ditur se qentë e lirojnë oksitoksinën – ‘hormonin e dashurisë’.
Por, ky test asnjëherë nuk është kryer më parë te macet.
“Ne veçse kemi dëshmi të mira se qentë i duan njerëzit. Një sërë studimesh të vogla kanë treguar se kur pronarët kalojnë kohë me qentë e tyre, njeriu dhe qeni e lirojnë oksitoksinën”, ka treguar Dr. Paul Zak, i cili e ka kryer këtë studim.
Neuroshkencëtarët kanë analizuar nivelet e oksitoksinës te macet dhe qentë – dhe rezultatet kishin treguar se hormoni ishte rritur mesatarisht për 57.2 për qind te meshkujt, por vetëm 12 për qind te macet.
Kjo do të thotë se qentë i duan më shumë njerëzit sesa macet. /Telegrafi/