Në një hap të rëndësishëm drejt përmirësimit të infrastrukturës dhe cilësisë së jetës në qytetin e Ferizajt është bërë sot.
NPL “Ambienti” ka inauguruar tetë toalete publike në nënkalimin kryesor për këmbësorë në Ferizaj. Ky investim është pjesë e përpjekjeve për të ofruar shërbime të reja që plotësojnë nevojat e qytetarëve dhe vizitorëve.
Toaletet publike janë të dizajnuara për të ofruar komoditet dhe qasje të sigurt për të gjithë, duke përfshirë grupet më të ndjeshme të popullsisë, si të moshuarit, gratë shtatzëna dhe familjet me fëmijë të vegjël.
Këto ambiente moderne dhe të mirëmbajtura janë një përgjigje e drejtpërdrejtë ndaj kërkesave të qytetarëve për shërbime më të mira publike, dhe një element kyç për një qytet të pastër dhe të organizuar.
Këto tualete publike janë më shumë se thjesht një përmirësim i vogël në infrastrukturë; ato përfaqësojnë një përkushtim ndaj krijimit të një mjedisi më të jetueshëm dhe të qëndrueshëm për të gjithë. /Telegrafi/
