Nuk ka mbetur edhe shumë për t’u mësuar ekipi fitues i turneut Roobet Cup, ku ekipet po garojnë për çmimin e vendit të parë prej 150.000 dollarësh.
Ndeshje të zjarrta dhe emocionuese do të zhvillohen nesër (e mërkurë) në turneun Roobet Cup.
Ekipi BIG do të përballet me ekipin Cloud9, të cilët po kalojnë një formë fantastike, ndërsa FaZe do të takohet gjithashtu me ekipin që po kalon formë të mirë Astralis.
Të dyja ndeshjet do të zhvillohen në formatin ‘Bo3’ dhe do të transmetohen në kanalin zyrtar të Roobet Cup CS:GO në Twitch.
4⃣ teams remaining!@BIGCLANgg 🆚 @C9CSGO @FaZeClan 🆚 @AstralisCS #RoobetCup pic.twitter.com/Lcqsvz64nH
— HLTV.org (@HLTVorg) June 28, 2022
Favorit për ta fituar turneun është ekipi numër një në botë, FaZe, edhe pse dy turnetë e fundit nuk kanë treguar formë edhe aq të mirë.
Finalja e madhe pritet të zhvillohet ditën e enjte duke filluar nga ora 19:00.
Më poshtë e gjeni orarin e ndeshjeve të gjysmëfinales:
15:00 BIG – Cloud9
19:00 FaZe – Astralis
/Telegrafi/