Vazhdon gara në turneun BLAST Premier Spring Groups, ku 12 skuadra po garojnë për grupin e çmimeve prej 177 mijë dollarësh.
Nesër (e hënë) do të zhvillohet dita e pestë e garës në Kopenhagë, ku do të luhen dy ndeshje interesante në kuadër të grupit C.
Ndeshja e parë do të zhvillohet ndërmjet G2 dhe Na’Vi duke filluar nga ora 15:00 në formatin ‘Bo3’.
Ndërsa ndeshja e dytë do të zhvillohet ndërmjet BIG dhe NIP duke filluar nga ora 18:30.
Të parët të cilët kanë kaluar në finale të grupit të tyre janë FaZe, që janë pjesë e grupit B.
Në këtë turne skuadrat po garojnë për një grup çmimesh prej 177 mijë dollarësh, si dhe për pjesëmarrje në turneun BLAST Premier Spring Final.
Të gjitha ndeshjet do të transmetohen në kanalin zyrtar të BLAST Premier, në platformën Twitch. /Telegrafi/