Nesër (e shtunë) do të zhvillohet dita e tretë e turneut BLAST Premier Spring Groups që po mbahet në Kopenhagë të Danimarkës.
Gara sa vazhdon e behet më e fortë në Kopenhagë, 12 skuadra po garojnë në turneun e parë të vitit për çmimin prej 177 mijë dollarësh.
Dy ditë e para ishin me ndeshje interesante por edhe me befasi, ku nuk munguan as aksionet.
Dita e tretë do të nisë me ndeshjen e grupit C, Na’Vi ndaj NIP duke filluar nga ora 12:00, për të vazhduar tutje me ndeshjen e grupit A, ku në ‘Upper Final’ takohen Vitality dhe Evil Geniuses nga ora 15:00.
Ndërsa ndeshja e tretë do të jetë derbi danez ndërmjet Heroic dhe Astralis, ku ekipi humbës do të eliminohet nga gara.
Të gjitha këto ndeshje interesante do të transmetohen në kanalin zyrtar të BLAST Premier në platformën Twitch. /Telegrafi/