Edhe 11 –të skuadra kanë mbetur në garë në Majorin e fundit të CS:GO që po mbahet në Paris.
Gara po vazhdon në BLAST Paris Major, ku tashmë pesë skuadra nga faza ‘Legends Stage’ janë eliminuar përfundimisht.
Pesë skuadra kanë siguruar pjesëmarrjen në ‘Champions Stage’ që do të zhvillohet përballë publikut në sallë, ndërsa edhe gjashtë të tjera po luftojnë për tri vendet e fundit.
BLAST Paris Major është turneu i fundit Major që organizohet në CS:GO dhe për skuadrat pjesëmarrëse ndan çmime në vlerë prej 1.250.000 dollarësh.
Nesër (e martë) do të zhvillohen edhe tri ndeshje shumë të rëndësishme, ku fituesit do të kalojnë tutje në ‘Champions Stage’ ndërsa skuadrat humbëse eliminohen.
Më poshtë i gjeni oraret e ndeshjeve për nesër:
11:30 FaZe – Na’Vi
15:30 fnatic – Into the Breach
19:30 Apeks – NIP
/Telegrafi/